Gjatë “Monterey Car Week 2025”, adhuruesit e makinave patën rastin të shohin nga afër modelin Alfa Romeo 33 Stradale në Amerikën e Veriut, një kryevepër e rrallë italiane, e ndërtuar me mjeshtëri artizanale dhe përpikmëri absolute. E krijuar në vetëm 33 njësi unike, 33 Stradale mishëron epokën e re të dizajnit Alfa Romeo dhe përfaqëson manifestin estetik të gjithë gamës aktuale të markës, të dukshme në modelet Giulia, Stelvio dhe Tonale.

E frymëzuar nga Tipo 33 Stradale e vitit 1967, një nga makinat më të bukura që është prodhuar ndonjëherë, 33 Stradale u prezantua në katër evente prestigjioze gjatë “Monterey Car Week”, përfshirë Motorlux dhe The Quail.

Në kulmin e këtij debutimi, një event i veçantë i markës Alfa Romeo, i zhvilluar në Hagerty House, solli një diskutim ekskluziv me Cristiano Fiorio, Drejtori i Departamentit të Marketingut dhe Projekteve Speciale të Alfa Romeo, si dhe Glynn Bloomquist, klient amerikan i 33 Stradale dhe një nga vetëm 33 anëtarët me fat të “33 Club”.