Një pasion i jashtëzakonshëm për aerodinamikën bashkon dy ekipet e inxhinierëve teknikë të Alfa Romeo dhe Luna Rossa. Së bashku, ata krijuan një zgjidhje aerodinamike që çan ajrin dhe e mban këtë Giulia të ngjitur fort pas rrugës, duke rritur forcën shtypëse (downforce) me 5 herë. Ndërsa presim të shohim çfarë kontributesh të tjera do të vijnë, le të shijojmë këto kryevepra aerodinamike, të cilat e bëjnë këtë Giulia të fluturojë mbi asfalt me shpejtësi ekstreme.

Elementet e reja aerodinamike të përparme shërbejnë për të rritur forcën shtypëse në boshtin e përparmë, duke e mbajtur Giulia-n të qëndrueshme dhe me kapje maksimale gjatë kthesave. Njëkohësisht, ato i japin automjetit një pamje edhe më agresive dhe sportive.

Elementet anësore përmirësojnë rrjedhën e ajrit përgjatë anëve drejt pjesës së pasme të automjetit. Këta elementë janë rikalibruar sipas kërkesave specifike inxhinierike për të ofruar edhe më shumë forcë shtypëse dhe kapje, në kombinim me komponentët aerodinamikë të përparmë dhe të pasmë.

Version ekskluziv i dedikuar i disqeve alumin 19 inç. Alumin i përpunuar me lyerje unike të realizuar me dorë. Një tjetër veçori e pakrahasueshme.

Argjend mbi të kuqe: sinteza e bashkimit të  dy markave ikonike italiane. Kjo logo unike e Alfa Romeo-s tregon partneritetin me Luna Rossa në mënyrën më efektive dhe mbresëlënëse të mundshme. 

Ngjyra është saktësisht e njëjtë me atë të trupit të jahtit që do të “fluturojë” mbi ujërat e Napolit gjatë eventit të ardhshëm të America’s Cup. Ky model i limituar është aq unik, saqë kemi zgjedhur të ofrojmë mundësinë e një versioni dyngjyrësh, me fibra karboni të ekspozuara.

Forma e bishtit të pasmë bazohet në studime dhe dizajne që kujtojnë krahun hidrodinamik të Luna Rossa, elementi që i mundëson trupit të varkës të “fluturojë” mbi ujë. Në asfalt, ky element kontribuon në një rritje me 5 herë të forcës shtypëse (downforce).

Një pjesë e Luna Rossa-s është vendosur direkt në makinë. Një personalizim që i afrohet versionit “handmade” për nga koncepti dhe romantizmi, duke nisur nga elementi prej karboni Kevlar i velës, i vendosur në pjesën përpara kroskotit në anën e pasagjerit.

Disa e veshin Luna Rossa-n, por shumë pak mund t’ia veshin atë makinës së tyre. Sediljet janë veshur duke kombinuar ngjyrat, gri, të zezë dhe të kuqe të ekipit Luna Rossa, e cila ka frymëzuar të gjithë interiorin.

Përtej aftësisë sonë për të ndërtuar makina dhe varka garash, ne italianët njihemi për stilin tonë unik. Ajo që bashkon dy markat në këtë partneritet është kërkimi i pandërprerë i ekselencës. Luna Rossa është një partner që ka dhënë maksimumin në këtë drejtim dhe ka bërë realitet disa ëndrra që dikur mendonim se mund t’i imagjinonim vetëm.